Қазақстан Конституциясына өзгерістер енгізілуі мүмкін

Ата заңға заман талабына қарай өзгерістер енгізілуі мүмкін. Сенат депутаттары осындай ұсыныстар түсіп жатқанын айтты, құжаттың маңыздылығына тоқталды.

Нұртөре Жүсіп, ҚР Парламенті Сенатының депутаты:

- Өмір өзгерістерден тұрады. Өзгермейтін ештеңе жоқ. Парламенттің енді жаңадан жұмысы басталады. Көптеген іргелі өзгерістерді Президентіміз ұсынып жатыр. Солардың барлығы да заң жолыменен реттелетін болады.

Нұрлан Бекназаров, ҚР Парламенті Сенатының депутаты:

- Осы уақытқа дейін бірнеше өзгерістер енгізілді Конституцияға. Өзгеріс енгізудің негізгі мақсаты – еліміздің, халқымыздың әлеуетін көтеру.

 Ғұмар Дүйсембаев, ҚР Парламенті Сенатының депутаты:

- Конституцияның ішінде әр салада нақты жазылған тақырыптары бар. Ол бойынша Президенттің Жарлығы болсын болсын, Үкіметтің шешімдері болсын, министрліктің шешімдері болсын Конституцияға сай келмесе, ол заңсыз деп есептеледі.

Данияр Қайыртай