Covid-19: Көрші елдердегі жағдай

Өткен тәулікте Ресейде коронавирусты тағы 5057 адам жұқтырды. Осылайша, солтүстіктегі көршімізде «ковид» оқиғаларының жалпы саны 907 мыңнан асып, бұл мемлекет әлемде АҚШ, Бразилия, Үндістаннан кейінгі төртінші орынға шықты.  Украинада карантин жеңілдетілгендіктен, соңғы екі айда инфекцияға шалдыққандар күрт көбейіп, олардың қатары 46200-ден асты. Соңғы 24 сағатта мың жарымдай пациент анықталған.  Өзбекстанда коронавирустан қайтыс болғандар 210-ға жетті. Соған қарамастан, ресми Тәшкент сенбіде екінші карантинді алып тастамақ. Қырғызстанда тағы 300-ден астам адамнан «ковид» табылып, мұндай пациенттер саны 41 мың 69-ға жетсе, Тәжікстанда 8 мыңға жуықтап қалды. 

Арыстан Рысбек