COVID -19: посткеңестік елдердегі эпидемиологиялық жағдай

Посткеңестік елдерде де коронавирус оқиғалары жалғасып жатыр. Өткен тәулікте Ресейде бұл инфекция 5200-ден астам адамнан табылды. Осылайша, көрші мемлекетте «COVID» диагнозы қойылғандар саны 866 600-ден асып, Ресей әлемде оны жұқтырудан төртінші орынға шықты. Сонымен қатар, жаңа инфекциядан 14 490 ресейлік қайтыс болған.

Украинада қауіпті вирусқа шалдыққандар 75 мыңнан асып, 1788 адам көз жұмса, Беларусьте мұндай пациенттер 68300-ден асып, 577-і қайтыс болды.

Өзбекстанда коронавирус жұқтырғандар 28315-ке жетті. Ал, Қырғызстанда мұндай науқастар 38100-ден асып, 1438 науқас көз жұмған.