Жаңалықтарды Telegram арнамыздан оқыңыз!Елімізде 2000-ға жуық әскери медицина қызметкерлері де вирусқа қарсы күреске жұмылдырылған. Олар қарулы күштерде профилактикалық және эпидемияға қарсы іс-шараларды жүргізіп, азаматтық денсаулық сақтау ісіне де жәрдемдесіп жатыр. Мысалға, қорғаныс министрлігінің Елордадағы Бас әскери клиникалық госпиталіндегі 180 орын карантиндік және провизорлық стационарға айналған. Ал, Алматыдағы әскери клиникалық госпитальі 230 орындық инфекциялық стационар ретінде қызмет істеуде. Сондай-ақ, еліміздің басқа да аймақтары мен қалаларында осындай көмек көрсетіліп жатыр. Жалпы, әскери-медициналық мекемелерде 700-ден астам карантиндік, провизорлық және инфекциялық пациенттер емделуде.
Азамат Бейбітұлы, Индира Бегайдар
