Жаңалықтарды Telegram арнамыздан оқыңыз!Латын Америкасы елдерінде пандемия өршіп тұр. Перуде бір тәулікте 6 мыңдай адам коронавирус жұқтырды. Тұрғындар карантин талаптарын ескеретін емес. Осыдан кейін ел билігі оқшаулау режимін маусымның соңына дейін ұзартуға шешім қабылдады.
Ал Аргентинаның астанасы Буэнос-Айрестің бір ауданында ғана 80 адамнан вирус анықталды. Олардың барлығы жедел ауруханаға жатқызылған. Енді 5 мың адам тұратын қаланың бір бөлігі 15 күндік карантинге жабылды.
Бразилияда пандемия кесірінен жүздеген мигрант елдеріне қайта алмай, әуежайда қонуға мәжбүр. Елдегі жағдай күннен күнге ушығып барады. Қауіпті індеттен 25 мың адам дерттен көз жұмған. Мамандар ауруға шалдыққандар саны әлдеқайда көп болуы мүмкін дейді. Себебі вирусты анықтайтын тесттер тапшы.
