Әлемде коронавирус жұқтырғандар саны 38 миллионға жуықтады

12.10.2020

Қауіпті көшті бастап тұрған АҚШ пен Үндістанда 7 миллионнан астам науқас тіркеліп отыр. Соңғысында күніне 75 мыңдай адамнан вирус анықталады. Індет Еуропада да өршіп тұр. Бір күнде ковидпен Испания мен Ұлыбританияда 13 мың, Францияда 16 мыңдай адам тіркелді. Мемлекеттер эпидемиямен күресу үшін жаңа шектеу шараларын қабылдап жатыр. 

Латын Америкасында жұқпалы дертке 10 миллиондай адам шалдыққан. Олардың жартысы Бразилияға тиесілі. Соған қарамастан, елде карантин талаптары жеңілдетілді. Мамандар биліктің бұл әрекеті коронавирустың екінші толқынына әкеледі деп алаңдайды. Эпид ахуалдың ушығуы Аргентина, Колумбия, Перуде де байқалуда.  

Жансая Қапасқызы

Әлем коронавирус

Хабарламаларға жазылу