Барак Обама президент сайлауында Джо Байденді қолдайтынын мәлімдеді

Барак Обама президент сайлауында Джо Байденді қолдайтынын мәлімдеді.

Бұл туралы АҚШ-тың экс-президенті Twitter-дегі парақшасында жазды. Еске салсақ, Обама президент болған тұста (2009-2017 жылдары) Байден оның орынбасары қызметін атқарған еді.

«Сайлауда Джо Байденді қолдайтынымды білдіремін. Оның бойында президентке тән қасиеттің бәрі бар», - деп жазды Обама.

Айта кетейік, 8 сәуірде Берни Сандерс президенттік жарыстан шығатынын мәлімдегеннен кейін Байден сайлауда Трамптың басты қарсыласы болмақ. Десе де, демократтар атынан ресми ұсынылатын кандидат жазда белгілі болады.