Маңғыстау облысында бүтін бір отбасы газдан уланып, үш бала мен анасы қайтыс болды

Маңғыстау облысында Мұнайлы ауданының Батыр ауылында бүтін бір отбасы газдан уланып қалды. Үш бала мен олардың анасы мерт болды, отағасы мен тағы бір бала ауруханаға жеткізілді.

Оқиға 13 ақпанда Астана-2 көшесіндегі үйде болған. 39 жастағы келіншек пен оның 2, 13, 14 жастағы балалары жедел жәрдем жеткенше қайтыс болған. 43 жастағы отағасы мен мен 9 жастағы бала облыстық ауруханаға жеткізілген.

«Ер адам жансақтау бөлімінде жатыр. Жағдайы қазір ауыр халде. Маңғыстау облыстық көпбейінді балалар ауруханасына жатқызылған 2011 жылғы ұлының жағдайы тұрақты ауыр, асқынулар жоқ. Есі анық, гемодинамикалық көрсеткіштері тұрақты», - деді Денсаулық сақтау басқармасынан.