Коронавирустан 1350 адам қайтыс болды

13.02.2020

Қытайдың Хубэй провинциясында жаңа типті коронавирусты жұқтырғандар саны күрт өсті. Соңғы мәліметтерге сәйкес, COVID-19 вирусын бір тәулікте 14 840 адам жұқтырса, 240-тан астамы одан көз жұмған. Осылайша, қаза тапқандар саны 1350-ге жетіп, ауруға шалдыққандардың жалпы саны 48 200-ден асты.

Дәрігерлер мұны диагностикалық әдістің өзгеруімен түсіндіріп отыр. Науқастарға бұрын қойылған диагноздар қайта қарастырылған соң, вирусты жұқтырғандар тізімі де өскен. Сонымен қатар, 3441 адамның дерттен айығып, ауруханадан шыққаны мәлім болды.

Жансая Қапасқызы

Хабарламаларға жазылу