Елімізде коронавирустан 4 адам қайтыс болды

15.06.2020

Елімізде Covid-19 дертінен қайтыс болғандар саны 77-ге жетті. Кеше вирустан тағы 4 адам қаза болды. Елордада 1941 жылы туған әйел адам, ал Ақмола облысында екі бірдей азамат 1952 жылғы әйел және 1977 жылы туған ер адам вирустың құрбаны болды. Екеуінде де екіжақты пневмония тіркелген. Ер адам 4 күндей өз-өзін емдеумен айналысқан. Дәрігерлер уақытылы медициналық көмекке жүгінгенде оның өмірін сақтап қалуға мүмкіндік көбірек болатынын айтады. Ал Павлодар облысы Екібастұз қаласында 1971 жылы туған әйел вирустың ілмегіне ілінді. Ол бүйрек ауруымен есепте тұрған. Бастапқыда вирус анықталмаған. Ауруханада біраз ем қабылдайды. Қайта сынама кезінде ағзадан Covid-19 анықталған. Жан сақтау бөлімінде 9 күн жатып, бақилық болды.  

Шерхан ЖАМБЫЛҰЛЫ


Хабарламаларға жазылу