Жаңалықтарды Telegram арнамыздан оқыңыз!Австралияның шығыс жағалауында нөсер жауын толастар емес. Бірнеше ай бойы орман өртінен зардап шеккен өңір енді тасқынмен күресуге мәжбүр. Жаңбырдың арқасында, өрт ошақтарының жартысына жуығы сөндірілген. Дегенмен арнасынан тасыған өзендерден елді мекендерді су басып, үйлер мен жолдар шайылып жатыр. Бұл – тұрғындарға ғана емес, өрттен онсыз да азайып қалған жан-жануарларға да қолайсыз болып тұр.
Синоптиктердің хабарлауынша, енді жағалауға екінші категориялы циклон жақындап келеді. Одан алдағы уақытта алапат жел тұрып, жауын-шашын күшеюі мүмкін. Сондықтан тұрғындарға қауіпсіздік шараларын қабылдап, эвакуацияға дайын болу ескертіліп отыр.
Жансая Қапасқызы
