Сауд Арабиясында бірнеше қаланы су басты - «Qazaqstan» Ұлттық телеарнасы

Сауд Арабиясында бірнеше қаланы су басты

04.01.2023

Сауд Арабиясында алапат тасқын жүрді. Әр-Рияд, Медина және Джидда тәрізді ірі қалаларды су басқан. Бірнеше күн бойы дамылсыз нөсер жауып, өзендер арнасынан тасыды. Корольдікте бұған дейін күшті тасқын қарашада болып, Джидда қаласында екі адам қаза тапқан.

Австралияда да осыған ұқсас жағдай. Қатты нөсерден кейін елдің батысын тасқын жайлады. Осыған орай өңірде төтенше жағдай жарияланған. Жолдар, ғимараттар мен үйлер су астында қалды. Табиғи апат жайлаған аймақ тұрғындарына мүмкіндігінше қауіпсіз жерге көшу туралы ескертілді. Себебі алапат тасқынның әзірге тоқтайтын түрі жоқ.

Арай Төлеген

Хабарламаларға жазылу