Қасым-Жомарт Тоқаев Түркия Президентімен телефон арқылы сөйлесті

Мемлекет басшысы Қасым-Жомарт Тоқаев Түркия Президенті Режеп Тайип Ердоғанмен телефон арқылы сөйлесті. Екі елдің көшбасшылары бір-біріне ілтипат білдіріп, жаңа жылдық құттықтауларын жеткізді. Тараптар барлық саладағы екіжақты қатынастардың оң қарқынын атап өтіп, қазақ-түрік стратегиялық серіктестігін нығайтудың перспективаларын талқылады.

Сондай-ақ Қасым-Жомарт Кемелұлы бүгін Арменияның Премьер-Министрі Никол Пашинянмен де телефон арқылы тілдесті. Олар Қазақстан мен Армения арасындағы ынтымақтастықты екіжақты және Еуразиялық экономикалық одақ аясындағы форматта одан әрі тереңдетудің жай-жапсарын талқыға салды. 

Шерхан Жамбылұлы