Көк базарда сатылған сүттен қауіпті бактерия табылды

Алматының Көк базарынан сатып алынған сүттен қауіпті бактерия табылды.

Бұл туралы Алматы қаласы бойынша тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасимова мәлімдеді. Санитарлық дәрігерлер әлеуметтік желіде сүтке әлдене араластырып отырған әйелдің видеосы тарағаннан кейін, сүтті жасырын сатып алған.  

«Біз бұл сүтті сол қатардан сатып алдық және онда бактерияның мөлшерінен асып кеткенін анықтадық, соматикалық жасушалардың құрамы, стафилокк табылды. Яғни, сүтті пайдалануға болмайды. Біз өнімді тәркілеп, сатушыларға әкімшілік жаза қолдандық», - деді Айзат Молдағасимова.