Түркістанда олимпиадалық резерв даярлау орталығы ашылды

Түркістанда спортшылардың олимпиадалық резервін даярлау орталығының жаңа ғимараты ашылды.

Кешен халықаралық талаптарға сай салынған. 3 жарым гектар жерді алып жатыр. Мұнда бір мезетте 220 спортшы жаттыға алады. Ғимаратты Солтүстік Қазақстан облысы әкімдігі салып берген. Демек бұл теріскейліктердің Түркістан жұртына жасаған сыйы. Кешеннің ашылуына орай волейболдан облыс чемпионаты ұйымдастырылды. Бұдан бөлек орталықта 12 түрлі спорт түрінен чемпиондар дайындалмақ. Нақтырақ айтсақ, 148 спортшы кәсіби тұрғыда жаттығатын болады.