Қырғызстанда келер жылдан «Ортақ түрік тарихы» пәні оқытылмақ - «Qazaqstan» Ұлттық телеарнасы

Қырғызстанда келер жылдан «Ортақ түрік тарихы» пәні оқытылмақ

26.11.2019

Қырғызстанда 7-сынып оқушылары келер жылдан «Ортақ түрік тарихы» пәнін оқи бастайды. Бүл туралы Бішкекте өтіп жатқан қазақ-қырғыз зиялыларының төртінші форумында белгілі болды. Дәл осы оқулықтардың негізінде қазақ оқушылары қосымша пән ретінде түрік тарихын оқып жатыр. Қазақстандық делегация айыр қалпақты ағайынға сол кітаптарды сыйға тартты. Осылайша түркі тілдес халықтардың тамыры тереңге бойлаған ынтымақтастығын келер ұрпақ та жалғастырады деген үміт бар. Бұдан бөлек қазақ-қырғыз зиялыларының форумында екі елдің мәдени, рухани байланысын одан әрі нығайту үшін қажет шаралар талқыланды. Мемлекет басшысы Қасым-Жомарт Тоқаевтың Қырғызстанға сапары алдында ұйымдастырылған шарада тараптар ортақ жаңа жобалар жүзеге асыратын болып келісті.

Хабарламаларға жазылу