Австралиядағы орман өрті Сиднейге жақындады

12.11.2019

Австралияның Жаңа Оңтүстік Уэльс және Квинсленд штаттарында өршіген орман өрті Сиднейге жақындады. Енді ол 5 миллионнан астам адамға қауіп төндіріп тұр. Қалаға тараған ащы түтінге байланысты 600-дей оқу орны жабылып, тұрғындарға үйде қалу ескертілді.

Айта кетсек, Австралияның оңтүстік-шығысын шарпыған орман өрті өткен аптада басталды. Одан 3 адам қаза тауып, 150 шақты үй жанып кетті. Биліктің айтуынша, қазір елде 78 өрт ошағы тіркелген. Оларды сөндіруге құрғақ ауа райы мен жел кедергі келтіруде. Сондықтан төтенше жағдай жарияланып, қауіпті аймақтан 2 миллионнан астам адамды эвакуациялау жоспарланып отыр.

Жансая ҚАПАСҚЫЗЫ


Хабарламаларға жазылу