Жаңалықтарды Telegram арнамыздан оқыңыз!Түрлі ұлт өкілдерін бір ұяда ұйыстырып, бірлікті бекемдеу – басты бағыттардың бірі. Осы жауапты міндетті атқарып жүрген Қазақстан халқының Ассамблеясы елордада ірі жиын ұйымдастырды. Азиядағы өзара іс-қимыл және сенім шаралары кеңесіне мүше елдердің ұлттық мәдени орталықтарының форумында қоғамдық диалогтың маңыздылығы сөз болды. Бұл бағытта 2025 жылға дейін азаматтық қоғамды дамытудың тұжырымдамасы әзірленіп жатыр.
«Ал елімізде азаматтық қоғамды қалыптастырушы бірден-бір ұйым – осы Қазақстан халқының Ассамблеясы», - дейді оның төрағасы Жансейіт Түймебаев. Ассамблея мыңнан астам этномәдени бірлестікті біріктіріп отыр. Оның аясында 2786 қоғамдық келісім кеңесі, 1793 аналар кеңесі, 40 достық үйі жұмыс істеп жатыр.
Әсима Нұрбайқызы
