Ақтау тұрғындары төрт күннен бері сусыз отыр

Ақтауда 300-ге жуық тұрғын 4 күннен бері сусыз отыр. Былтыр ғана қолданысқа берілген тұрғын үйлерде су тапшылығы бір ай бұрын басталған. Ал бірнеше күннен бері тіршілік нәрі мүлде жоқ. 

Баспананы тұрғызған компания кінәраттің неден екенін таппай әлек. Жоғары қабаттағы пәтерлерде қысымы өте төмен болған. Тұрғындар шағымынан соң, үйдің маңын қазуға кіріскен мердігер компанияның жұмысшылары олқылықты бүгін тапты. 

Райхан Мутова, Ақтау қаласының тұрғыны:

Қалай өмір сүреміз? Дүкендер мен моншаны байытып болдық.

Александр Порохон, мердігер компанияның өкілі:

Жер астындағы құбырдың жарылғанын анықтадық. Жөндеу жұмыстары 22 қазанда басталды. Суды бүгін түстен кейін береміз.

Аягөз Оралбайқызы