Гонконг дәрігерлері наразылық білдірді

Гонконг ауруханаларының бірінде дәрігерлер мен медбикелер тәртіп сақшыларының озбырлығына қарсы наразылық білдірді. Олардың айтуынша, полиция офицері ауруханаға баса көктеп кіріп, жүкті әйелді заңсыз шеру ұйымдастырды деп айыптаған. Даулы оқиғадан кейін, емдеу мекемесінің қызметкерлері құқық қорғау қызметкерінің бұл әрекеттерін сынап, тексеру жүргізуді сұрады. 

Айта кетсек, Гонконгтағы наразылық акциялары төртінші айға ұласты. Ал екі апта бұрынғы шеру барысында маска тағуға тыйым салынған соң, наразылық тіпті өршіген. Соның салдарынан полицияның демонстранттарға күш қолдану оқиғасы жиілеп, халықтың ашуы күшейіп келеді.

Жансая Қапасқызы