Жаңалықтарды Telegram арнамыздан оқыңыз!Мұндай ойды мемлекет басшысы елордада өтіп жатқан Азия елдері қаламгерлерінің тұңғыш форумында айтты. Мемлекет басшысы бұл іс-шара шығармашылық қауымның маңызды диалог алаңына айналуы керек деп есептейді. Ал жаңа сыйлық әлемдік марапаттармен деңгейлес болуы үшін беделін арттыруға күш салуымыз керек деді. Сондай-ақ жиын барысында Қасым-Жомарт Тоқаев отандық қаламгерлер үшін тағы бір қуанышты жаңалықпен бөлісті.
Қасым-Жомарт Тоқаев, Қазақстан Республикасының Президенті:
Бүгінде төл әдебиетіміздің көкжиегі кеңейіп, әлем әдебиетінің даму көшіне қосылды. Қазақстандық 30 жазушы мен 31 ақынның шығармалары БҰҰ-ның алты тіліне аударылып, жарыққа шыққалы отыр. Осы туындылар 5 құрлықтағы 90-нан астам елге, яғни, 2,5 млрд оқырманға тарайды.
Қаламгерлер жиынына сары құрлықтың әр елінен 90-нан астам мейман келген. Олардың арасында Нобель сыйлығының номинанттары, Букер және ASEAN сыйлықтарының лауреаттары бар. Іс-шара 6 қыркүйекке дейін жалғасады. Ертең белді жазушылардың шеберлік сыныптары өтеді және қаламгерлер аллеясы ашылады деп жоспарланған.
Шерхан ЖАМБЫЛҰЛЫ
