Жаңалықтарды Telegram арнамыздан оқыңыз!Әсем Көпбаева қазақ тілінде ең алғаш рет рок жанрында ән айтып, Гиннес рекордтар кітабына енген қазақ қызы. Әнші бүгін Алматы студиясының қонағы болды.
«Тыңдармандарым біраз уақыттан бері мені жоғалтып алды. Бала күтіміне байланысты еңбек демалысында болдым. Ана болған - керемет, бала - тәтті. Қызым жақында 3 жасқа толады.
Үйде бос отырмадым. Үйде болсам да ән жазып, бейнебаян түсірдім. Күйеуім мені өнерде қолдайды. Өзі өнер адамы болғаннан кейін мені түсініп, көмек береді. Жұмысымды, сахнаны сағындым», - дейді өнер иесі.
