Жаңалықтарды Telegram арнамыздан оқыңыз!24 қазан күні Алматы қаласында «Анашым», «Қазақ қызы», «Ауылым», «Қарағым-ай» әндерімен қалың көрерменнің сүйікті әншісіне айналған Нұрлан Өнербаевтың «Сағыныш» атты ән кеші өтеді. Бұған дейін Нұрлан Өнербаев өз шығармашылық кешін Алматыда 2006 жылы өткізген екен.
«Концерттің атын «Сағыныш» деп атадым. Өйткені, көрермендерім мен тыңдармандарымды шын мəнінде сағынған сияқтымын. Əсіресе, алматылық өнерсүйер қауымның орны ерекше деп білемін. Мені киелі сахнаның қошеметіне бөлеген де, бигіне көтерген де Алматы тұрғындары. Сондықтан, талғамға сай эстетикалық, мағыналы өнер кешін сыйлағым келеді», - деді Нұрлан Өнербаев.
