Жаңалықтарды Telegram арнамыздан оқыңыз!«Қазтелерадио» АҚ Ұлттық телерадио тарату желісінің техникалық орталығының 2017 жылға арналған жоспарлы-профилактикалық жұмыстары мен бақылау өлшемдерінің кестесіне сәйкес, 2017 жылдың 16 қаңтарында сағат 03:00-17:00 және 17 қаңтар сағат 14:00-16:00 аралығында «Қазақстан» РТРК» АҚ-ның техникалық құралдарында тоқсандық бақылау жұмыстары жүргізіледі.
Осыған байланысты 16 қаңтар сағат 03:00-17:00 аралығында «Қазақстан» ҰТА, «Балапан» және «Kazsport» телеарналарында техникалық үзіліс болады.
Ал, 17 қаңтарда сағат 14:00-16:00 аралығында «Қазақстан» Ұлттық арнасының аналогтық хабар тарату жүйесінде бақылау жұмыстары жүргізіледі.
«Отау ТВ» желісі арқылы көрсетілетін «Қазақстан» Ұлттық арнасы 17 қаңтар 14:00-16:00 аралығында әдеттегідей хабар таратады.
