Жаңалықтарды Telegram арнамыздан оқыңыз!25 қараша, жұма, 2016 жыл
Бүгін - Әйелдерге қатысты зорлық-зомбылықты жою үшін күрестің халықаралық күні
БҰҰ Бас Ассамблеясы қарашаның 25-сін 1999 жылғы желтоқсанның 17-індегі 54/134 қарарымен әйелдерге қатысты зорлық-зомбылықты жою үшін күрестің халықаралық күні деп жариялады және мемлекеттерге, халықаралық ұйымдар мен мемлекеттік емес ұйымдарға бұл күні қоғам назарын осы мәселеге аударуға арналған шаралар өткізуді ұсынды.
ЕСТЕ ҚАЛАР ОҚИҒАЛАР
90 жыл бұрын (1926) БКП (б) ОК Саяси кеңесінің «Түркістан-Сібір темір жолы құрылысы туралы» қаулысы қабылданды.
16 жыл бұрын (2000) Қызылордада жазушы Мұхтар Әуезовке ескерткіш орнатылды.
ЕСІМДЕР
131 жыл бұрын (1885-1935) қазақ ақыны, жазушы, ағартушы-педагог, Алаш орда үкіметінің белді басшыларының бірі Міржақып ДУЛАТҰЛЫ дүниеге келді.
108 жыл бұрын (1908-1963) техника ғылымдарының докторы, профессор, Қазақстан Ғылым академиясының корреспондент-мүшесі, Қазақстанның еңбек сіңірген ғылыми қайраткері Әлихан Шөжебайұлы МУСИН дүниеге келді.
91 жыл бұрын (1925-1976) композитор, Қазақстан Республикасы Композиторлар одағының мүшесі Әбілахат Ысмағұлұлы ЕСБАЕВ дүниеге келді.
82 жыл бұрын (1934-1993) ғалым, техника ғылымдарының докторы, профессор, КСРО Мемлекеттік сыйлығының лауреаты Ноян Ахмедиярұлы БӘЙТЕНОВ дүниеге келді.
454 жыл бұрын (1562-1635) испан драматургы Лопе де ВЕГА (Феликс Лопе де Вега Карпьо) дүниеге келді.
206 жыл бұрын (1810-1881) орыс хирургы, әскери-далалық хирургияның негізін салушы Николай Иванович ПИРОГОВ дүниеге келді.
181 жыл бұрын (1835-1919) америкалық кәсіпкер, ірі болат өнеркәсіпшісі, филантроп Эндрю КАРНЕГИ дүниеге келді.
172 жыл бұрын (1844-1929) немістің автомобиль өнертапқышы Карл БЕНЦ дүниеге келді.
