Үнділік азамат бір минуттың ішінде адамдарды құшақтаудан әлемдік рекорд орнатты (ВИДЕО)

Үндістанның Андхра-Прадеш штатының тұрғыны минутына 70 адамды құшақтап, әлемдік рекорд орнатты. Бұл туралы Guinness World Records сайты хабарлады.

Кришна Кумар (Krishna Kumar) әлемдік рекорд орнату үшін жергілікті мектептің 88 оқушысы кезекке тұрған. Ер адам 60 секундтың ішінде 83 адамды құшақтай алды, алайда Гиннестің рекордтар кітабының өкілдері тек 79 рет деп есептеді. Олар өз шешімін қалған төртеуін құшақтау палуандарша ұстап алуға ұқсас деп түсіндірді.

Кумар Гиннестің рекордтар кітабына кіргенін «адам үшін жоғары жетістік» деп атады.

Бұған дейінгі рекорд 2014 жылы Австралияда тіркелген. Оны 60 секундтың ішінде жергілікті балалар ауруханасындағы 77 адамды құшақтап үлгерген тележүргізуші Кэрри Бикмор орнатқан болатын.

ҚазАқпарат