Ақтөбелік 2 сынып оқушысы Давид Чероватый болашақта қазақтілді журналист болсам деп армандайды (ВИДЕО)

Ақтөбеде «Мәңгілік ел - мәртебелі тіл» атты патриоттар форумы  өтті. Елдегі рухани бірлік пен біртектілікті нығайтуға бағытталған шараға өңірдегі барлық ұлыс өкілдері қатысты.

Форумға отбасымен келгендер де бар. Чероватыйлар жанұясының балалары қазақ мектебінде оқиды, өздері де мемлекеттік тілді үйреніп жүр.

Үйдің кенжесі Давидтің арманы асқақ. «Болашақта қазақтілді журналист болсам», дейді ол.

Давид Чероватый, 2 сынып оқушысы:

Әрбір жанға өзінің отбасы, туған-туыстары, жолдастары, қандай ыстық болса, Отан да сондай ыстық. Мен болашақта Отанымның дамуына тамшыдай болса да үлес қоса алатыныма сенімдімін. 

Жақсыбек КЕМАЛ