Жаңалықтарды Telegram арнамыздан оқыңыз!«Toyota» біріншілікті сақтап қалды. 2015 жылдың қорытындысына сай жапондық әйгілі компания тағы да «үздік» деп танылған. Автоконцерн былтыр 10 млн-нан астам машина сатқан. Бұл осымен «Toyota»-ның 4 жыл қатарынан алға шығуы, деп хабарлайды «Алматы» телеарнасы.
Дегенмен, «Volkswagen»-нің осы жолы бірінші атануына мүмкіндігі бар еді. Жыл басында атамыш компания жапондық әріптесін біршама озғаны болатын. Бірақ, күзде дизельге қатысты шыққан шу оның саудасын 2 пайызға құлдыратып жіберді. Сөйтіп, 10 млн-ға жуық көлік сатылыпты. Үшінші орынға «General Motors» тұрақтаған. Компанияның саудалағаны - 9,8 млн көлік.
