Жаңалықтарды Telegram арнамыздан оқыңыз!Бүгін қазақстандық кинотеатрларда жазушы Ілияс Есенберлиннің «Көшпенділер» трилогиясы бойынша түсірілген «Қазақ елі» жобасының алғашқы бөлімі - «Алмас қылыш» фильмі көрсетіле бастады.
Фильм сценарийін жазған - Смағұл Елубай. Онда Ілияс Есенберлиннің «Алмас қылыш» романы негізге алынды.
Режиссер Рүстем Әбдірашевтың айтуынша, туындыны түсіруге екі жыл уақыт кеткен. Фильмнің түпнұсқасы толығымен қазақ тілінде, арасында жоңғар тілінде және солтүстік моңғол диалектісі бар. Прокатқа орыстілді нұсқасы да әзірленді.
«Бізде материалдың үлкен қоры жинақталды. Сондықтан, фильмнің жалғасы міндетті түрде болады», - дейді режиссер.
Тарихи жобаның авторы - ҚР Президенті Н.Назарбаев. Фильм ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» АҚ «Centaurus Rustem Abdrashev production» ЖШС-нің қатысуымен түсірілген. Айта кетейік, бұған дейін «Алмас қылыш» фильмінің тұсаукесер көрсетілімі Астана мен Алматы қалаларында өткен. Оған қатысқандардың барлығы жаңа кинотуындыға жоғары баға берген. Президент Нұрсұлтан Назарбаев та аталған фильмді «қазақ халқының ұлттық сана-сезімін көтеретін туынды» деп бағалады.
inform.kz
