Жаңалықтарды Telegram арнамыздан оқыңыз!Сіз суши тағамы туралы қандай қызықты факттерді білесіз? оны тапсырыс берумен қатар, жеу әдебін де білген дұрыс. Сонымен:
- Шамамен 30 жыл бұрын Америкада суши аса танымал болды. Жергілікті аспаздар екі бөлікті бірден дайындайтын еді. Ал, тез бұзылатын балық етін тұздап немесе соя соусы мен сірке суында маринадтайтын.
- Ал, Сіз суши дайындайтын аспаздардың дені неге ер-азаматтар болатынын білесіз бе? Бірқатар мейрамхана басшылығы суши дайындауға қыз-келіншектерді алуға түбегейлі қарсы. Себебі, олар әйелдер денесіндегі жоғары температура «мінезді» тағамның дәмі мен сапасына әсер етеді деп біледі.
- Азия елдерінде өз бетінше суши дайындап шығаратын автоматтар бар. Оны XX ғасырдың 70-ші жылдары Минору Икисима ойлап тапқан.
- Кейінгі жылдары кейбір мейрамханаларда жәндік араласқан сушилер пайда болды. Алайда, кез келген адамның мұндай сушидің дәмін татып көруге батылы жете бермейді.
- Ауланған көк тунецтердің 80 пайызы суши-мейрамханаларға түседі.
- Бұрын суши-мейрамханалардың аспаздары тағылымдамадан 10 жыл өтетін. Қазіргі таңда аспаздар аса қажет болғандықтан, оларға 2 жыл тәжірибеден өткен соң, аспаз болуға рұқсат берілген. Алайда, Жапонияда аспаздар алғашқы екі жылда күріш дайындауды үйренсе, тағы 3 жыл бойына балық пісіруді үйренеді.
- Ертеректе Жапонияда көк тунецтің еті сапасыз деп саналып, бірден қоқысқа тасталатын.
- 2009 жылы Токиодағы балық аукционында ең қымбат көк тунец сатылды. Оның құны 100 мың доллар болды. Ал, 2012 жылы қызыл тунец 122 мың еуроға сатылды. Оның салмағы 232 келі болды.
