Елімізде жеке тұлғалар да күн батареяларынан өндірген энергияны сата алатын болады

Қазір қолданыстағы заң бойынша тек күн станциялары бар ірі өндірушілер ғана қуат сатуға құқылы.

Алдағы уақытта елімізде жеке тұлғалар да күн батареяларынан өндірген энергияны сата алатын болады. Күн батареяларын өндіретін «Астана Солар» компаниясының өкілдері Парламентте осындай заң қарастырылып жатқанын хабарлады.

Қазір қолданыстағы заң бойынша тек күн станциялары бар ірі өндірушілер ғана қуат сатуға құқылы. Жеке адамдар да оларға теңестіріледі деген жоспар бар. Олай болса, үйіне күн батареясын орнатқан адам өзінен артылған электр қуатын электр тасымалдаушы компанияға жалпыға ортақ тарифпен сатуға мүмкіндік алады. Шағын бизнестің бұл түрі көптеген шетелдерде бар.

Индира ТҰРСЫНБАЙ