Сэмюэл Л. Джексон «Үш Икс» фильмінің үшінші бөлімінде ойнайды

Голливуд жұлдызы Сэмюэл Л. Джексон «Үш Икс: Ксандер Кейдждің оралуы» фильмінің актерлік құрамына қосылды. Ол ақпаратты картинаның продюсері Вин Дизель растады. Айта кетейік, Вин Дизель бұл фильмде басты рөлді сомдайды.

Ал, туындының қоюшы режиссері - Ди Джей Карузо.

«Үш Икс» фильмінің бірінші бөлімі 2002 жылы түсірілген. Екі жылдан кейін «Үш Икс 2: Жаңа деңгей» картинасы жарық көрді. Сэмюэл Л. Джексон бұл екі киножобаға да қатысқан болатын.

Фильмнің үшінші бөлімі нақты қашан шығатыны әзірге белгісіз.