Жаңалықтарды Telegram арнамыздан оқыңыз!Нұрлан Әбдірахман сапалы саз аспаптарын жасаумен айналысады. Ол 44 жыл бойы қолөнердің қыр-сырын игеріп, бүгінде білген-түйгенін балаларына үйретіп жүр. Шебер осы саланы толық меңгеруі үшін «Отырар сазы», «Құрманғазы» оркестрлерінде жұмыс істеді.
«Шама келгенше аспапты музыкадан хабары бар адамдар жасағаны абзал. Бұрынғы заманда да біздің сал-серілеріміз аспаптарын өздері жасаған ғой. Бойына, ыңғайына, саусағына, дыбыс шығару жүйесіне сай икемдеп. Шебердің музыкалық білімі болғаны жақсы»,-дейді қолөнер шебері.
Дәл қазір Нұрлан Әбдірахман аса күрделі аспаптың бірі жетігеннің құлақ күйін келтіруде. Оның дыбысын реттеуге біраз уақыт кетеді. Өйткені, бүл – жетігеннің жетілген түрі. Қыл ішектің орнын темір ішек, асықтың орнын ағаш тиек басқан.
«Жетігенді қызыл ағаштан, өрнектеп отырып жасадым. Бір жаңалығы – ыңғайға қарай дыбысты өзгертуге болады. Себебі, аспапта ойнап отырған кезде құлақты бұрауға уақыт жетпей жатады. Сол сәтте мына тиектермен жарты тон, бір тон өзгертуге мүмкіндік бар»,-дейді Нұрлан Әбдірахман.
Толығырақ – «Таңшолпанда».
