Ауа райы: Қазақстанның үш облысында жолдар жабылды - «Qazaqstan» Ұлттық телеарнасы

Ауа райы: Қазақстанның үш облысында жолдар жабылды

25.11.2015
Ауа райы: Қазақстанның үш облысында жолдар жабылды

ҚР ІІМ Төтенше жағдайлар комитеті Қазақстанның үш облысында жолдардың жабылғаны жөнінде хабарлады.

Осылайша, Ақмола облысында бүгін, 25 қарашада, ауа райының қолайсыздығына (көктайғақ) байланысты «Көкшетау-Петропавл» (304-341 км), «Көкшетау-Рузаевка» (0-61 км), «Көкшетау-Омбы» (2-50 км), «Көкшетау-Щучинск» (247-293 км), «Көкшетау-Атбасар» (0-184км) жолдарындағы учаскелер көліктердің барлық түрі үшін жабылды.

Ақтөбе облысында көктайғақ салдарынан «Ақтөбе-Орск» (39-135 км) жолы көліктердің барлық түрі үшін жабылды.

Солтүстік Қазақстан облысында ауа райының қолайсыздығына (көктайғақ) байланысты  көліктердің барлық түрі үшін барлық бағыттар бойынша жол жүруіне уақытша шектеу қойылды.

Хабарламаларға жазылу