Ауа райы: Алдағы күндері еліміздің солтүстік аймақтарында қатты суық болады

Сібірдің солтүстігіндегі өте мықты суық антициклонның ықпалы республиканың солтүстік аймағында нағыз қысқа тән суықты алып келді.

Міне, бірнеше күннен бері ауа температурасы бұл аймақтарда климаттық нормадан 5-10 градусқа төмен болып отыр.

19-21 қараша аралығында, антициклон күшейе түсіп, ауа температурасы одан сайын төмендейді. Кейбір жерлерде -28, -31 градус аяз болады.     

Алдағы күндері Каспий теңізінің оңтүстігінде қалыптасқан циклон еліміздің оңтүстік өңірлеріне қарай жылжи түседі.

Ол жауын-шашын мен ылғалды қардың жауына ықпал етеді.

Бұл аймақта ауа температурасы нормадан 2-4 градус төмен болады, деп хабарлайды Қазгидромет.