«Дуцзюань» тайфунының қаупіне байланысты Қытайда 320 адам қауіпсіз аймаққа көшірілді

Бұл туралы бүгін Синьхуа агенттігі хабарлады.

Қауіпсіздікті қамтамасыз ету мақсатында 25 мыңнан астам қайық жағалауға оралып, мектептерде оқу тоқтатылды.  

Көршілес Фуцзянь провинциясында 600 мыңнан астам адам табиғаттың дүлей күшінің салдарынан жарықсыз қалды. 20 мыңнан астам адам Путянь қалалық округінен көшірілді.

Жағалауға биіктігі 10 метр болатын толқындар келіп соққан. Су шайып кеткен аймақтың 20 метрге жуық жерінде жедел қалпына келтіру жұмыстары жүріп жатыр.

Өңірде 100-ден астам әуе рейстері тоқтатылып, 200-дан астам жүрдек пойыздардың қозғалысына шектеу қойылды.   

«Дуцзюань» осы маусымдағы 21-ші тайфун болып отыр.