Жаңалықтарды Telegram арнамыздан оқыңыз!Оған сәйкес, тараптар 2015 жылы «Жібек жолы» атты толық метражды 3Д анимациялық көркем филмін жасауға кіріседі. Туында дайын болғанда Қазақстан, ТМД елдері мен Қытай және Оңтүсті-Шығыс Азия елдеріне таратылатын болады.
Анимацияның бір бөлігі Қытайда жасалады, басқа бөлігі KCG студиясы базасының негізінде Алматы қаласындағы «Инновациялық технологиялар паркі» АЭЗ-нда жасалады.
Өз кезегінде, Ori Animation Қытай компаниясы жобаға мульфильм бюджетінің 40 пайыз мөлшерінде инвестиция құятын болады, деп хабарлайды Индустриялар және даму министрлігінің ақпараттық қамтамасыз ету басқармасы.
«KCG» анимациялық студия өкілдерінің айтуынша, қазақ, орыс тілдерінде дубляж жасай отырып, картина ағылшын тілінде түсіріледі. 90 минуттық хронометражы бар фильм түсірілімі екі жыл ішінде аяқталады деп күтілуде.
