Айдын Айымбетов ғарышқа аттанды

Бүгін Астана уақытымен 10:37-де «Байқоңыр» ғарыш айлағынан үшінші қазақ баласы Айдын Айымбетов «Союз ТМА-18М» кемесімен ғарышқа аттанды.

Айдын Айымбетовпен бірге Кеме командирі Ресейғарыш ғарышкері Сергей Волков және Еуропалық ғарыш агенттігінің астронавы Андреас Могенсен бар.

Ғарышкерлер ғарышқа екі тәулікте жетеді. Айдын Айымбетов халықаралық ғарыш станциясында 10 күні бойы зерттеу жұмыстарын жүргізеді.