Жаңалықтарды Telegram арнамыздан оқыңыз!
Еуропалық Ресейдің солтүстік-батыс аудандарынан ауысатын атмосфералық фронттар әсерінен Қазақстанның батыс, солтүстік және орталық облыстарының кей жерлерінде өткінші жаңбыр жауып, найзағай ойнап, екпінді жел соғуы мүмкін.
Синоптиктердің болжамынша, күндіз ауа температурасы 23-31º, ал орталықта +27-35º-қа дейін төмендейді. Мұндай температура 18-20 шілде аралығында сақталады.
Ал, Қазақстанның оңтүстік, оңтүстік-шығыс және шығыс облыстарында жексенбі және дүйсенбі күндері өткінші жаңбыр жауады деп күтілуде.
Алайда аптап ыстық сақталады. Аталған аймақтарда ең жоғары температура +35-45º, шығыста +33-38º, кей жерлерде +42º болады. Бұл нормадан 5-8º жоғары, деп хабарлайды Қазгидромет.
