Жаңалықтарды Telegram арнамыздан оқыңыз!14 мамыр күні Жамбыл облысы, Талас ауданындағы мәдениет үйінде Шорабек Айдаровтың 60 жылдығына орай өткен «Шоқ тілді шайыр – Шорабек» атты республикалық ақындар айтысында Бас жүлдені Айнұр Тұрсынбаева жеңіп алды.
Бірінші орын Серікзат Дүйсенғазин, екінші орын Айтақын Бұлғақовқа бұйырды. Ал, үшінші орынды Алтынкүл Қасымбекова мен Ақмарал Леубаева өзара бөлісті.
Айтыс барысында Шорабек Айдарұлының 60 жасқа дейінгі елге жасаған қызметі ескеріліп, Қазақстан мұсылмандары Діни басқармасының төрағасы, Бас мүфти Ержан қажы Малғажыұлының арнайы Алғыс хаты табысталды.
Сондай-ақ, аудан әкімі Болат Рысмендиев Шорабек Айдаровқа «Талас ауданының құрметті азаматы» атағын берді.
