Жаңалықтарды Telegram арнамыздан оқыңыз!«Әдебиет порталы» қазақтың көрнекті ақыны, ҚР Мемлекеттік сыйлығының лауреаты, ҚР Халық жазушысы Фариза Оңғарсынова атындағы көркемсөз оқу шеберлерінің І республикалық интернет байқауын өткізеді.
Байқаудың басты мақсаты – поэзия падишасының халықтың жүрегінен орын алған өлеңдерін жастар арасында насихаттау, қазақ әдебиетін интернет арқылы дамыту, халық арасынан талапты, талантты жастарды іздеп табу.
Байқау шарттары:
– Байқауға қатысушылар Фариза Оңғарсынованың өлеңдерін өзі оқып, оған бейнеролик жасау арқылы қатыса алады. Жұмыстар екі тілде қабылданады (қазақ және орыс тілдерінде);
– Бейнеролик көлемі 2 минуттан кем болмауы және 10 минуттан аспауы керек;
- Ақынның өлеңін қатысушы өзі оқуы керек;
– Бейнеролик клип түрінде немесе әуесқой түсірілім ретінде қабылданады;
– Байқауға қатысушылардың жас мөлшеріне шектеу қойылмайды;
Интернет-байқаудың қазылар алқасы үміткерлер өнерін бағалау кезінде олардың:
– өлеңді оқу шеберлігіне;
– дауыс мәнеріне және тіл тазалығына;
– өлеңді таңдау талғамына;
– ұсынылған бейнероликтің сапасына назар аударады;
– Сапасы төмен бейнероликтер қабылданбайды.
Интернет-байқаудың қорытындысы бойынша жеңімпаздарға арнайы дипломдар мен төмендегідей жүлделі орындар табысталады:
Бас жүлде – Samsung Galaxy S5 смартфоны және ақынның «Ғашық сезім» жыр жинағы;
І орын – Samsung Galaxy Note ІІІ смартфоны және ақынның «Ғашық сезім» жыр жинағы;
ІІ орын – Samsung Galaxy Note ІІ смартфоны және ақынның «Ғашық сезім» жыр жинағы;
ІІІ орын – Samsung Galaxy S4 смартфоны және ақынның «Ғашық сезім» жыр жинағы;
Байқауға ұсынылатын шығармалар 2014 жылдың 18 желтоқсанына дейін қабылданады.
Интернет-байқаудың жеңімпаздары 2014 жылы 25 желтоқсанда ақынның туғанына 75 жыл толуына орай ұйымдастырылатын еске алу кешінде марапатталады.
adebiportal.kz
