Жаңалықтарды Telegram арнамыздан оқыңыз!Семейде Дәулет Тұрлыхановтың жүлдесі үшін өткен халықаралық турнирде абсолютті салмақ санатында «Қазақстан барысы-2013» Айбек Нұғымаров жеңіске жетіп, бас жүлде - автокөлікке ие болды, деп хабарлады Семей қаласының әкімдігі.
«Соңғы жылдары біздің ұлттық спорт ойындарымыз күшті дамып келеді, оған Семей қаласында қазақша күрестен Х Азия чемпионатының өтуі дәлел. Бұл чемпионатқа 17 елден спортшылар қатысты. Шығыс Қазақстан облысының тумасы ретінде менің інілерім - палуандар «Қазақстан барысы» атанған Айбек Нұғымаров пен Мұхит Тұрсыновтың табыстары қуантады. Жыл асқан сайын республикада спорттың осы түрімен айналысатын палуандар қатары өсіп келе жатқанын атап өткім келеді», - деп пікірімен бөлісті Дәулет Тұрлыханов.
