Жаңалықтарды Telegram арнамыздан оқыңыз! Биылғы жылдың бiрiншi тоқсанының соңына дейiн жанар-жағармайдың қазiргi бағалары өзгермейдi. Бұл туралы ҚР Табиғи монополияларды реттеу агенттiгiнiң төрағасы Мұрат Оспанов мәлімдеді.
«Өздерiңiзге белгiлi, АИ-80, АИ-92/93 маркалы бензинiне және дизель отынына мемлекеттiк реттеу қолданылады. АИ-95-96 және АИ-98 бензинiнің бағасы реттелмейдi, бәсекелес нарықта қалыптасады», - дедi ол бүгiн Астанада Орталық коммуникациялар қызметiнде өткен брифингте.
Мемлекет реттейтiн мұнай өнiмдерiн сату кезiнде шектi бағаларды асыруға қатаң тыйым салынады.
«Интернетте Алматы қаласының бiрқатар жанар-жағармай станцияларында баға көтерiлгенi туралы ақпарат тарады. Бiрақ, ол фактiнi тексеру кезiнде ешқандай жерде баға көтерiлмегенiн анықтадық», - деді ол.
