Британдық 16 жастағы жасөспірім Льюис Кларк Оңтүстік полюсті бағындырған ең жас саяхатшы ретінде жаңа рекорд жасады.
Ол жалпы ұзындығы 1,1 мың шақырым болатын жолдың жартысынан көп бөлігін -50 градус аяз бен сағатына 200 шақырым жылдамдықпен соққан қатты желдің өтінде 48 күн ішінде жүріп өткен.
«Мен саяхатымды табысты аяқтағаныма қуаныштымын. Бұл өте ауыр болды, полюске жақындаған сайын, жүрісім баяулай берді», - дейді Льюис Кларк.
BBC агенттігінің хабарлауынша, енді ол өз табысын ресми түрде мойындату үшін Гиннестің рекордтар кітабына енгізуге өтініш білдірмекші.