Оқулықтарға сауатты сараптама жасалуы тиіс

Мектеп оқулықтарының талаптарға сай болмауына басты себеп –  сараптаманың сапасыздығы. Отандық баспалардағы мұндай маңызды жұмыс дұрыс жолға қойылмаған. Мәжілісте өткен Үкімет сағатында Білім және ғылым министрі Аслан Сәрінжіпов осылай деп мәлімдеді.

Министрдің айтуынша, бүгінде кітаптарға мемлекеттік сараптама жасалады. Алайда халықаралық тәжірибе мүлдем бөлек. Шетелде негізгі сараптама баспа ішінде жүргізіледі. Министр олардағы тәжірибе бойынша, баспаның беделі жоғары білікті сарапшылардың қызметіне тікелей байланысты, деді. Ол үшін кәсіби мамандарға жоғары төлемақы тағайындалады.

Жазира  ДОСМАҒАНБЕТ