Жаңалықтарды Telegram арнамыздан оқыңыз!Ресми деректерге қарағанда, «ЭКСПО» көрмесін 178 елден 4 млн. адам тамашалады. Оның ішінде 53 елдің мемлекет және үкімет басшылары қатысты. Бір қуантатыны - осы уақыт ішінде көрмені 14 облыстан 77 074 мектеп оқушысы келіп көрді.
Қаланың логистикалық қуатын арттыру үшін жаңа теміржол вокзалы мен жаңа әуе жол терминалы салынған. Соның арқасында теміржол арқылы Астана күн сайын 16 000 адамды қабылдап отырды. Әуе көлігі арқылы 3 ай ішінде 725 000 адам ұшып келген. Туризмнің табысы 2016 жылмен салыстырғанда 78 пайызға өскен.
Кез келген көрменің басты көрсеткіші әрине, ғылыми жетістіктері. «ЭКСПО» аясында жаңа 153 ғылыми жаңалық ұсынылды. Олардың бірқатарын осы жылдан бастап-ақ біздің ғылыми және даму институттары Қазақстанда енгізіп көрмек.
