Қарағанды облысында 32 отбасы баспанасыз қалды

Қарағанды облысына қарасты Шахтинск қаласында 32 отбасы баспанасыз қалды. Соттың шешімі бойынша олар белгіленген  уақытта үйлерін босатуы тиіс. 90-шы жылдары жұрт үдере көшіп кеткенде иесіз қалған пәтерлерді жергілікті билік баспанасыз жүргендерге үлестіріп берді.

 

Тұрғындар құжатсыз пәтерге жөндеу жұмыстарын жүргізген. Үй бағасы шарықтай салысымен, пәтер қожайындары табыла қалды. Олар сотқа шағымданып, жеңіп шықты. Енді міне, Шахтинскідегі 32 отбасы баспанасыз босып жүр.

 

Наразы топ аппеляциялық алқаға шағымданғанмен, сот шешімі өзгеріссіз қалдырылды. Шарасыз тұрғындар наразылық шеруін өткізді. Сот орындаушылары қуып шыққан күні күрке тігіп, осы маңда жатамыз, әрі аштық жариялаймыз,- деп отыр.

 

Рахмет Базылов, Қарағанды облыстық Сот актілерін орындау департаменті басшысының міндетін атқарушы:

32 тұлғаға қатысты соттың шешімі бар, оларды тұрып жатқан үйінен босату жөнінде. Сот орындаушы шыққан шешімді орындауы керек. ҚР Атқарушылық өндірісі жөніндегі заңы бойынша сот шешімін орындауға міндетті.

 

Руслан НҰРЛАНҰЛЫ