Басты Жаңалықтар Түркістанда 100-ден астам үйге табиғи газ берілді

Түркістанда 100-ден астам үйге табиғи газ берілді

08.03.2014 11:20

Бүгін, мереке күні Оңтүстік Қазақстан облысындағы Түркістан қаласында 100-ден астам үйге табиғи газ берілді. Бұл «Бейнеу-Бозой-Шымкент» магистральдік газ құбырының бойындағы елді мекендерді газдандыру жұмыстарының нәтижесі.

Естеріңізде болса, «ҚазТрансГаз Аймақ» акционерлік қоғамы 2013 жылы «Бейнеу-Бозой-Шымкент» магистральдік газ құбырынан Түркістанға дейін газ жеткізетін жоғары қысымды газ желісінің құрылысын аяқтады.

Ал, Түркістан қаласындағы жерасты газ құбырларын жүрізу жұмыстарын осы жылдың 1-наурызында бастаған. Небәрі 1 аптадай уақыт ішінде 5 шақырымдай газ құбыры төселді.

Осылайша көне шаһардың тұрғындары экологиялық таза әрі ыңғайлы отын түрін пайдалана бастады, ал отбасының берекесі аналар мен арулар оны тұрмыста пайдаланудың қолайлылығын сезініп, артықшылығын бағалап та үлгерді.

Бөлісу