Жаңалықтарды Telegram арнамыздан оқыңыз!Қостанай облысының бірқатар шенеуіктері мемлекеттік сатып алу кезінде заң бұзушылыққа жол берсе, енді бірі қарамағындағыларға дөрекі мінез көрсеткен.
Тәртіптік кеңестің кезекті отырысында осылайша қызмет этикасын бұзған төрт басшының мәселесі талқыланды. Алтынсарин ауданының әлеуметтік саласын және ішкі саясат бөлімін басқаратын қос азаматша, мемлекеттік сатып алу кезінде қаржының тиімді жұмсалуын қадағаламаған.
Соның кесірінен тендерге өзге әкімшілік аумақта тұратын тұлғалар қатыстырылыпты. Бұл әрекет мемлекет қаржысын артық шығындап, сыбайлас жемқорлыққа жол ашады деп бағаланды.
Ал Қамысты ауданының мәдениет саласының басшысы мен Әулиекөл ауданындағы Диев ауылының әкімі, қарамағындағыларға дауыс көтеріп, дөрекі мінез танытқан. Мемлекеттік қызметкер этикасын бұзғандардың бәрі тәртіптік жауапкершілікке тартылды.
Балтабек Жұмағалиев, Диев ауылдық округінің әкімі:
Әрине, өзімнің кінәмді мойындаймын. Менің үстімнен шағымданған кісі көрші ауылдағы әріптесімнің баласы. Оған жақын адамым ретінде ақыл айтып, жөнге салғым келді. Бөтен ойым болған жоқ.
Дәуренбек ӘБДІБЕК
