Жаңалықтарды Telegram арнамыздан оқыңыз!Ел экономикасының дамуына қатысты болжам жақсарды. Ұлттық банктің есебінше, бұған дейін айтылғандай 5 пайыз емес, 5,5-6,5 пайызға дейін өсуі мүмкін. Бұған инвестициялардың артуы сеп болып отыр. Ал инфляцияға қатысты болжам айтарлықтай өзгерген жоқ. Биыл 11-12,5 пайыз, 2026 жылы бұдан 1 пайызға төмендейді деп күтіліп отыр. 2027 жылы одан да баяулап, 5,5-7,5 болуы мүмкін.
Тимур Сүлейменов, ҚР Ұлттық банкі төрағасы:
Біз үшін инфляцияны төмендету – басты міндет. Ол үшін Ұлттық банк ақша-кредит шарттарындағы ұстанымдарды қатаң сақтайтын болады. Бірақ проценттік саясатпен шектелмей, қосымша шаралар кешені де маңызды рөл атқаратын болады.
Базалық мөлшерлеме 16,5% деңгейінде қалды
Ал базалық мөлшерлеме 16,5% деңгейінде қалды. Өткен айда жылдық инфляция өзгерген жоқ. «Бірақ жақын арада баяуламаса, қатаң ақша-кредит саясатына көшіп, базалық мөлшерлемені көтереміз», - дейді Ұлттық банк. Өз кезегінде бұл бағаның шарықтауын тоқтады. Банктер депозитке жоғары пайыз бере бастайды.
Жанел Өтеулі
